7. பச்சாதாபம்

7. பச்சாதாபம்

 

அறிமுகம்

பச்சாதாபம் என்பது ஒரு நபரின் எதிர்மறையான சூழ்நிலைகளிலிருந்து அவர்கள் வெளியே வர உதவுவதற்கும், நேர்மறையான சூழ்நிலைகளில் அவர்களுடன் மகிழ்ச்சியடைவதற்கும் நாம் அவர்களின் இடத்தில் நம்மை வைப்பதன் மூலம் புரிந்துகொள்வது, தவறுகளைக் கண்டிக்காமல் அல்லது குற்றம் சாட்டாமல். பச்சாதாபம் என்பது உண்மையான அன்புடனும் ஒற்றுமையுடனும் மற்றவர்களைப் போல அதே மனதில் இருப்பது. பச்சாதாபம் என்பது சக மக்களின் உணர்ச்சிகளைப் புரிந்துகொள்வது மற்றும் அவர்களுக்கு ஆதரவளிப்பதன் மூலம் கடினமான சூழ்நிலைகளைச் சமாளிக்கவும் சிக்கல்களைத் தீர்க்கவும் உதவுவது.

 

முக்கியத்துவம்

பச்சாதாபம் கொண்ட ஒரு நபர் சுயநல லட்சியம் அல்லது அகந்தையால் எதையும் செய்யமாட்டார், ஆனால் தன்னை விடப் பிறருக்கானவைகளை அதிக முக்கியத்துவம் வாய்ந்தவராக எண்ணுவார். பச்சாதாபம் கொண்ட நபர் மட்டுமே தேவையில் உள்ள மற்றொரு நபருக்கு ஆதரவு அளிக்க முயற்சி செய்வார், மேலும் அவராலேயே மற்ற நபருக்கு உதவவும் முடியும். இது உறவுகளை வளப்படுத்துகிறது மற்றும் மேம்படுத்துகிறது.

 

பயன்படுத்தப்படும் சூழ்நிலைகள்

ஒரு நபர் ஏதேனும் தவறு செய்திருந்தாலும், அவர்கள் தேவையோடு இருக்கும் போது அவர்களிடம் பச்சாதாபம் இருக்க வேண்டும். மற்றவர்களின் உணர்வு, அறிவு மற்றும் உடல் ரீதியான தேவைகளைப் புரிந்து கொள்ளும்போது பச்சாதாபம் காட்டப்படலாம். நாம் சுற்றியுள்ள சூழ்நிலைகளைப் பற்றி அறிந்திருக்க வேண்டும் மற்றும் வெவ்வேறு நபர்களின் ஆர்வம் அல்லது தேவைக்கு ஏற்ப அவர்களிடம் அனுதாபம் கொள்ள வேண்டும்.

 

பாதிக்கும் காரணிகள்

ஒருவருக்கு சில அசாதாரண திறமைகள் அல்லது யாரோ ஒருவரின் தயவு இருக்கும் போது, அது மற்றவர்களைப் பொறாமைக்கொள்ளச் செய்யும், அது அவர்களைப் பச்சாதாபம் இல்லாமல் இருக்கச் செய்து அந்த நபருக்கு எதிராகச் செயல்பட வைக்கிறது. பணியை முடிப்பதில் கவனம் செலுத்தி, தனது சௌகரியமான குறுகிய வட்டத்தில் மட்டுமே அதிக கவனம் செலுத்தும் ஒரு நபர், மற்றவர்களுடன் அதாவது தேவையிலுள்ளவர்களுடன் கூட அனுதாபம் கொள்ள முடியாது.

 

தாக்கங்கள்

பச்சாதாபம் கொண்ட ஒருவர் தனது சொந்த நலனை மட்டும் கருத்தில் கொள்ளாமல் மற்றவர்களின் நலன்களையும் கருத்தில் கொள்கிறார். ஒரு நல்ல தலைவர் தேவையில் இருக்கும் மக்களிடம் பச்சாதாபம் காட்டுகிறார், அதன் மூலம் இரக்கம் காட்டுகிறார். பச்சாதாபம் கொண்ட ஒரு நபர் மற்றவர்களின் பொதுவான மற்றும் குறிப்பான தவறுகளை மன்னிக்க முடியும், அவர்கள் வேண்டுமென்றே தனக்கு எதிராக அதைச் செய்திருந்தாலும், அவர்கள் திருத்தப்பட்டு சரியானதைப் பின்பற்ற அந்த நபர் விரும்புகிறார்.

 

கதை/ வழக்கு ஆய்வு

ஒரு மனிதன் மேற்கு ஆசியாவில் இருந்து ஐரோப்பாவிற்குப் பயணம் செய்து கொண்டிருந்தான். சில திருடர்கள் அவனைச் சூழ்ந்து கொண்டார்கள். அவர்கள் அவனது ஆடையைக் கிழித்து அவனை அடித்தார்கள். அம்மனிதனைத் தரையில் வீழ்த்திவிட்டு அத்திருடர்கள் அங்கிருந்து சென்றார்கள். அவன் இறக்கும் தருவாயில் கிடந்தான். “ஒரு ஆசாரியன் அவ்வழியாகச் சென்று கொண்டிருந்தான். அவன் அம்மனிதனைக் கண்டபோதும் அவனுக்கு உதவும்பொருட்டு நிற்கவில்லை. அங்கிருந்து போய்விட்டான். அடுத்ததாக, ஒரு லேவியன் அவ்வழியாக வந்தான். லேவியன் காயமுற்ற மனிதனைக் கண்டான். அவன் பக்கமாய் கடந்து சென்றான். ஆனால் அவனும் அவனுக்கு உதவும் பொருட்டு நிற்கவில்லை. அங்கிருந்து போய்விட்டான். “பின்னர் ஒரு சமாரியன் அவ்வழியாகப் பயணம் செய்தான். காயப்பட்ட மனிதன் கிடந்த இடத்துக்கு வந்தான். சமாரியன் அம்மனிதனைப் பார்த்தான். காயமுற்ற மனிதனுக்காகக் கருணைகொண்டான். சமாரியன் அவனிடம் சென்று ஒலிவ எண்ணெயையும் திராட்சை இரசத்தையும் காயங்களில் ஊற்றினான். அம்மனிதனின் காயங்களைத் துணியால் சுற்றினான். சமாரியனிடம் ஒரு கழுதை இருந்தது. அவன் காயமுற்ற மனிதனை அக்கழுதையின் மேல் ஏற்றி, ஒரு விடுதிக்கு அழைத்து வந்தான். அங்கு சமாரியன் அம்மனிதனைக் கவனித்தான். மறுநாள் இரண்டு வெள்ளிப் பணத்தை எடுத்து விடுதியில் வேலைசெய்த மனிதனிடம் கொடுத்தான். சமாரியன் அவனிடம், ‘காயமுற்ற இம்மனிதனைக் கவனித்துக்கொள். அதிகப் பணம் செலவானால் நான் திரும்ப வரும்போது அதனை உனக்குக் கொடுப்பேன்’” என்றான்.

 

செயல்பாடு

பங்கேற்பாளர்கள் 6-8 பேர் கொண்ட குழுக்களாகப் பிரிக்கப்படலாம். குழுவின் ஒவ்வொரு உறுப்பினரும் பச்சாதாபம் இல்லாமல் செயல்பட்ட ஒரு சம்பவத்தைப் பற்றித் தங்கள் குழுவுடன் பகிர்ந்துக்கொள்ளலாம், அதன் காரணமாக, மற்ற நபர் உடல் ரீதியாகவோ அல்லது மனரீதியாகவோ எவ்வாறு  பாதிக்கப்பட்டார் என்பதையும் பகிர்ந்துக்கொள்ளலாம். மேலும், அவர்கள் பச்சாதாபத்துடன் நடந்த ஒரு சம்பவத்தைப் பகிர்ந்து கொள்ளலாம், அதன் காரணமாக, மற்றவர் எவ்வாறு ஆறுதல் அடைந்தார் என்பதையும் பகிர்ந்துக்கொள்ளலாம். அவர்கள் விவாதத்தை 5 நிமிடங்களில் முடித்துவிட்டு, அவர்கள் விவாதித்த சூழ்நிலைகளில் ஒன்றை மற்ற குழுக்களுக்கு ரோல் ப்ளே (role play) மூலம் நடித்துக் காட்டலாம். சிறப்பாக நடிக்கும் குழு அங்கீகரிக்கப்படலாம். வழிநடத்துபவர் எடுத்துரைக்கப்பட்டதை தொகுத்து கூறலாம்.