4. நம்பகத்தன்மை

4. நம்பகத்தன்மை

 

அறிமுகம்

நம்பகத்தன்மை என்பது மக்கள் பொறுப்புகளை ஒப்படைப்பதற்கும், சில பணிகளை முடிக்க நம்மை நம்புவதற்கும் ஒரு சிறந்த தரம். நன்மை செய்வதற்கும் உண்மையுள்ளவர்களாக இருப்பதற்கும் சரியான ஆளுமையினிடத்தில் நம் நம்பிக்கை இருக்க வேண்டும். சில நேரங்களில் நாம் ஒரு நபர் வகிக்கும் நிலை அல்லது அவரது ஆற்றலின் காரணமாக அவரை நம்புகிறோம், ஒரு நாள் அவரும் மறைந்துவிடுவார் என்பதை உணரத் தவறிவிடுகிறோம், எனவே உயர்ந்த ஆளுமையினிடத்திலோ அல்லது எப்போதும் நிலைத்து இருக்கும் மதிப்பீடுகள் மற்றும் தரநிலைகள் மீதோ நாம் நம்பிக்கை வைப்பது முக்கியம்.

 

முக்கியத்துவம்

ஒரு தகவலோ அல்லது ஆளுமையோ நம்பகதன்மையுடன் இருக்கும்போது, ​​அதைப் புறக்கணிக்க முடியாது மற்றும் நாம் அதை ஏற்றுக்கொள்ளவில்லையெனினும் உண்மை நிறுவப்படும். சரியான தரநிலைகள் மற்றும் விதிகளின் மீது நம்பிக்கை வைப்பது ஒரு நபர் சரியான வழிகளில் நடக்கவும் மற்றவர்களைச் சரியான வழியில் நடத்தவும் உதவுகிறது. நம்பகமான ஒரு நபர் தன்னிடத்தில் உள்ள வெளிப்படுத்தப்படக்கூடாத ஒரு விஷயத்தைப் பாதுகாப்பாக வைக்கிறார்.

 

பயன்படுத்தப்படும் சூழ்நிலைகள்

வேறொரு நபரிடமிருந்து எதையாவது ஏமாற்றிய அல்லது திருடிய ஒருவர், நஷ்டத்தைத் திருப்பிச் செலுத்துவதன் மூலம் தனது நம்பகத்தன்மையை நிரூபிக்க வேண்டும். லஞ்சத்தை வெறுக்கும் திறமையுள்ள ஒரு நபர் நம்பகமானவர். தவறுகளை உணர்ந்து, மாற்றங்களுடன் தன்னை புதுப்பித்துக்கொள்ளும் ஒருவர் நம்பகமானவராக இருப்பார், மற்றும் அவர் யாரிடத்தில் தவறு செய்தாரோ அவர்கள் அவரைத் திரும்பவும் நம்ப பரிந்துரைக்கப்படுவார்.

  

பாதிக்கும் காரணிகள்

ஒரு நபர் அல்லது குழு அதிக சக்திவாய்ந்தவர்களாக இருக்கும் போதும் கூட ஆதிக்கம் செலுத்தும் போது, நம்பகத்தன்மை இருக்காது. அதிகாரம், பதவி அல்லது செழிப்பு ஆகியவற்றின் மீது நம்பிக்கை இருந்தால், அது தோல்வியடைந்து, உண்மையான மக்கள் மற்றும் உயரிய அதிகாரத்தின் மீதான நம்பிக்கையைக் குறைக்கும். தவறான நம்பிக்கையோடு இருப்பதும் விக்கிரகத்தின் மீது நம்பிக்கை வைப்பதும் நம்மைச் செயல்படாத ஒரு சிலையைப் போல ஆக்கிவிடும். நம்பகமான ஒரு நபர் ஆயிரம் பேருக்கோ, நூறு பேருக்கோ, ஐம்பது பேருக்கோ மற்றும் பத்து பேருக்கோ தலைவராக வைக்கப்படுவார்.

 

தாக்கங்கள்

நம்பகமானவர்களாகக் கருதப்படும் நபர்களுக்குக் கடமைகளும் பொறுப்புகளும் ஒதுக்கப்பட்டு ஒப்படைக்கப்படும். நாம் சரியானதைப் பின்பற்றும்போது, சமாதானம் இருக்கும். சொல்லிலும் செயலிலும் கவனமாக இருப்பவர், நீதியை நிறைவேற்றுபவர், அந்நியரையோ தந்தையற்றவர்களையோ விதவையையோ துன்புறுத்தாதவர், தவறைப் பின்பற்றாதவர், போன்றவர்கள் நம்பகமானவராக இருக்க முடியும். தலைவராக இருக்க விரும்பும் நபர் நம்பகமானவராக இருக்க வேண்டும். நம்பிக்கைக்குரிய அல்லது நம்பகமான வார்த்தைகளைப் பற்றிக் கொண்டிருக்கும் ஒரு நபர், மற்றவர்களுக்குச் சிறப்பாகப் போதிக்கத்தக்கதாக அறிவில் சிறந்தவராக இருப்பார்  அதனால் மக்களுக்கு நன்மை பயக்கும் நல்ல செயல்களையும் பயனுள்ள செயல்களையும் செய்வதற்கு அவருக்கு உதவியாக இருக்கும்.   

 

கதை/ வழக்கு ஆய்வு

மூப்பர்களை நியமிக்கும் பொழுது பின்வருவனவற்றை கருத்தில் கொள்ள வேண்டும். மூப்பராக இருக்கிறவன் எந்தத் தவறுகளையும் செய்யாத குற்றமற்றவனாக இருக்க வேண்டும். அவன் ஒரே ஒரு மனைவியை உடையவனாக இருக்க வேண்டும். அவனது பிள்ளைகள் தீமையில்லாமல் இருக்கவேண்டும். கொடுமைக்காரர்களாகவும், கீழ்ப்படியாதவர்களாகவும் அவர்கள் இருக்கக் கூடாது. ஒரு மூப்பர் பொறுப்புகளை உடையவர். எனவே, அவருக்குத் தவறு செய்தோம் என்ற குற்ற உணர்வு இருக்கக் கூடாது. தற்பெருமையும், சுயநலமும், முன் கோபமும் இல்லாதவராக இருக்கவேண்டும். அவர் குடிகாரனாக இருக்கக் கூடாது. சண்டைப் பிரியனாக இருக்கக் கூடாது. பிறரை ஏமாற்றிச் செல்வம் சேர்ப்பவராகவும் இருக்கக்கூடாது. தம் வீட்டில் அந்நிய மக்களை வரவேற்று உபசரிக்கிறவராகவும், நல்லவற்றின் மீது அன்புடையவராகவும் இருக்க வேண்டும். ஞானமும், நேர்மையுமாய் வாழ்பவராகவும், தூய்மையும், சுய கட்டுப்பாடும் உடையவராகவும் அவர் இருக்க வேண்டும். தாம் போதிக்கின்றவற்றை மூப்பர் உண்மையிலேயே பின்பற்றுபவராக இருக்கவேண்டும். உண்மையான போதனையின் மூலம் மக்களை உற்சாகப்படுத்த வேண்டும். உண்மையான போதனைகளுக்கு எதிரானவர்கள் எங்கே தவறு செய்கிறார்கள் என்பதை நிரூபிக்க வேண்டும். பலர் தாழ்மையற்று இருக்கின்றார்கள். அவர்கள் வீணான வார்த்தைகளைப் பேசி மக்களைத் தவறான வழியில் நடத்திச்செல்கிறார்கள், குறிப்பாக பெருமையுள்ளவர்கள். இத்தகையவர்களின் பேச்சு தவறானது என மக்களுக்குச் சுட்டிக்காட்டும் திறமையுடையவராக மூப்பர் இருத்தல் வேண்டும்.. எதைப் போதிக்கக் கூடாதோ அதையெல்லாம் போதித்து எல்லாக் குடும்பங்களையும் அவர்கள் அழிக்கிறார்கள். மக்களை ஏமாற்றிச் செல்வம் சேர்க்கவே அவர்கள் இவ்வாறு போதிக்கிறார்கள், எனவே பயனற்ற பேச்சுக்களைப் பேசுபவரை மூப்பர் நிறுத்த வேண்டும்.

 

செயல்பாடு

பங்கேற்பாளர்கள் ஒரு வட்டமாக நிற்க வேண்டும். பங்கேற்பாளர்களில் ஒருவர் கண்கள் மூடிய நிலையில் இருக்க வேண்டும். கண்கள் மூடியுள்ள நபர் நம்பிக்கையுடன் வட்டத்திற்குள் நடக்கத் தொடங்க வேண்டும், மற்ற பங்கேற்பாளர்கள் அனைவரும் அவர்களை அணுகும்போது அவர்களின் தோள்களைப் பிடித்து மற்றொரு நபரை நோக்கித் திருப்ப வேண்டும். இது சில சுற்றுகள் தொடரலாம். பின்னர், குழுவில் பங்கேற்பவர்களில் இருந்து மேலும் சிலரை ஒவ்வொருவராகச் சேர்த்து, பங்கேற்பாளர்கள் ஒருவரையொருவர் இடிக்காமல், கீழே விழாமல் அனைவரையும் வழிநடத்த வேண்டும். பின்னர் பங்கேற்பாளர்களில் கண்களை மூடிக்கொண்டவர்களும் அவர்களை வழிகாட்டியவர்களும் தங்கள் எண்ணங்களையும் அவர்கள் எப்படி உணர்ந்தார்கள் என்பதையும் பகிர்ந்து கொள்ளலாம்.